ഒരു നടന്ന സംഭവം ആണ് ഇത് ..
പൊതുവേ പറഞ്ഞു കേക്കുന്ന ഒന്നാണ് പ്രണയത്തിനു കണ്ണില്ല മൂക്കില്ല ജാതിയില്ല മതമില്ല എന്നൊക്കെ.. കണ്ണില്ല മൂക്കില്ല എന്ന് പറയുന്നത് പ്രണയം പെണ്ണിന്റെ വീട്ടുകാരറിയുമ്പോള്‍ മനസ്സിലാകുമെന്നും അനുഫവസ്തരായ കാമുകന്‍ മാറും പറയുന്നുണ്ട്.. കാരണം പെണ്ണിന്റെ വീട്ടുകാരരിയുമ്പോള്‍ കണ്ണ് കൊണ്ടാണോ മൂക്ക് കൊണ്ടാണോ കിട്ടുന്നത് മേടിക്കുന്നത് എന്ന് ഒരു നിശ്ചയവും കാണില്ലല്ലോ.. മതേതര രാജ്യമാണ് എന്ന പേരുണ്ടെങ്കിലും അന്യ മതക്കാര്‍ തമ്മിലൊന്നു പ്രേമിച്ചു പോയാല്‍ ഒടുക്കത്തെ പുകിലുമാണ്.. ഏതു തരം പ്രണയവും സിനിമയില്‍ കാണുമ്പോ കയ്യടിക്കുന്നോരും സ്വന്തം വീട്ടില്‍ ആരെങ്കിലും അങ്ങനെങ്ങാനും ചെയ്താല്‍ കൈ തല്ലി ഓടിക്കും അത്രയ്ക്ക് പ്രശ്നമാണ് 2 മതക്കാര്‍ തമ്മില്‍ പ്രേമിക്കുന്നത്.
നമ്മുടെ കഥാനായകന് എന്റെ പ്രിയ സുഹൃത്താണ് .. കുറെ നാളായി ഒരു കുട്ട്യോട് കട്ട പ്രേമമാണ് . ഒരു കുഴപ്പം മാത്രം രണ്ടും രണ്ടു മതം ആയിപ്പോയി.. ജീവിതം തട്ടി മുട്ടി കൊണ്ട് പോകുന്നതിനിടയിലാണ് ഈ പ്രേമം . അതിനെ കുറിച്ച് കൂടുതല്‍ പറയണ്ടല്ലോ പ്രേമത്തിന് കണ്ണില്ല, മൂക്കില്ല, ചെവിയില്ല പക്ഷെ എന്തൊക്കെ പറഞ്ഞാലും കാശില്ല എങ്കില്‍ ഒരു കാര്യോമില്ല എന്നത് കൊണ്ട് അളിയന്‍ നാട്ടില്‍ തട്ടിമുട്ടി ഒക്കെ ജോലി ചെയ്തു നോക്കി.. ഇതിനിടക്ക്‌ എങ്ങനെയോ പെണ്ണിന്റെ വീട്ടുകാര് കാര്യം അറിഞ്ഞു . അവര് അമ്പിനും വില്ലിനും അടുക്കില്ല.. മതത്തിന്റെ കാര്യം തന്നെ പ്രശ്നം . നാട്ടില്‍ നിന്നു ജോലി ചെയ്തു സമ്പാദിച്ചു സമ്പാദിച്ചു നടന്നാല്‍ ഒടുവില്‍ സമ്പാദ്യം മാത്രം ഉണ്ടാവില്ല എന്ന് മനസിലാക്കി അവന്‍ ഒടുവില്‍ ഗള്‍ഫില്‍ പോകാന്‍ തീരുമാനിച്ചു . ഗള്‍ഫില്‍ പോയ്‌ കഷ്ടപ്പെട്ടാണെങ്കിലും ഒരു ജോലി ഒക്കെ കിട്ടി കഴിയുമ്പോള്‍ അവരടെ മനസ്സ് മാറിയാലോ ഒന്നുമില്ലേലും അന്തസ്സോടെ പോയ്‌ പെണ്ണ് ചോദിക്കാമല്ലോ..
അങ്ങനെ ആദ്യത്തെ ലീവിന് നാട്ടിലെത്തി എന്തായാലും പെണ്ണിനെ അടിച്ചോണ്ട് വന്നാല്‍ മോശമാണ്.. അല്‍പ്പം അഭിമാനമുള്ള കൂട്ടത്തിലായോണ്ട് എന്തായാലും പെണ്ണിന്റെ വീട്ടില്‍ പോയി പെണ്ണ് ചോദിക്കാമെന്നു തീരുമാനിച്ചു.. ഒരു ധൈര്യത്തിന് ഏറ്റവും അടുത്ത രണ്ടു സുഹൃത്തുക്കളെയും കൊണ്ട് പോകാമെന്ന് ഒടുവില്‍ തീരുമാനിച്ചു.( തല്ലു കിട്ടുമെങ്കില്‍ ഷെയര്‍ ചെയ്യാന്‍ വേണ്ടി ഒരു ധൈര്യത്തിന് ) .ഒടുവില്‍ എന്ന് പോണമെന്നും അവിടെ പോയി എന്ത്പറയണം എന്നും ഒക്കെ മുന്‍കൂട്ടി ചര്‍ച്ച ചെയ്തു തീരുമാനിച്ചു.
രണ്ടും കല്‍പ്പിച്ചു പോയേക്കാം എന്നായി തീരുമാനം അങ്ങനെ ആ ദിവസം വന്നെത്തി. ഇന്നത്തോടെ രണ്ടില്‍ ഒന്ന് അറിയണം .എല്ലാം തീരുമാനിച്ചുറപ്പിച്ച പോലെ ചെയ്യണം എന്ന് പരസ്പരം പറഞ്ഞുറപ്പിച്ചു 3 പേരും പെണ്ണിന്റെ വീട്ടിലെത്തി.. എങ്ങനെയോ എവിടുന്നോ കിട്ടിയ ധൈര്യം ഒക്കെ സംഭരിച്ചു വീട്ടിലേക്കു കേറിച്ചെന്നു. പെണ്ണിന്റെ അച്ഛന്‍ കാര്യം തിരക്കി ..എങ്ങനെയോ അവന്‍ കാര്യം അവതരിപ്പിച്ചു.. കൂടെ കൊണ്ട് പോയ രണ്ടു പേരും ഒന്നും പറയുന്നില്ല . നിസ്സംഗ ഭാവത്തില്‍ അച്ഛന്‍ ഒരുത്തരമേ പറഞ്ഞുള്ളൂ "നടക്കില്ല" .. മതം ഒരു പ്രശ്നമാണ് .. അപ്പോളേക്കും ഇത് കേട്ടു പെണ്ണിന്റെ അമ്മ കരഞ്ഞോണ്ട് കുറെ കാര്യങ്ങള്‍ പറഞ്ഞു.. പറയുന്ന കൂട്ടത്തില്‍ കൂടെ പോയ ഒരു സുഹൃത്തിനോട് ഒരു ചോദ്യവും ഇട്ടുകൊടുത്തു .. മോനെ മോന് ഹിന്ദുവല്ലേ? ,, ഉടന്‍ ഉത്തരം അതെ.. "മോന്റെ പെങ്ങള്‍ ആണ് ഇങ്ങനെ ചെയ്തിരുന്നെങ്കില്‍ മോന് സമ്മതിക്കുമോ? ആദ്യത്തെ ചോദ്യത്ത്തിനേക്കാള്‍ സ്പീഡില്‍ അടുത്ത ഉത്തരം ഇല്ലാ !!! '' മോന് വിവരമുണ്ട് ..അത്രേ ഉള്ളു മോനെ ഇവിടുത്തേം കാര്യം അത് ഇവനോട് മോന് തന്നെ ഒന്ന് പറഞ്ഞു മനസ്സിലാക്കി കൊടുക്കണം .. എന്തൊക്കെയായാലും ഞങ്ങള്‍ക്ക് ജീവനുള്ളിടത്തോളം കാലം ഇത് ഞങ്ങള്‍ സമ്മതിക്കില്ല .. അപ്പോളാണ് ഒരാവേശതിനു പറഞ്ഞെന്റെ അബദ്ധം അവനു പിടികിട്ടയത് . ആര്‍ക്കും ഒന്നും പറയാനില്ല .. ഇതില്‍ കൂടുതല്‍ എന്ത് പറയാനാണ് .. ഇത്രയും അയപ്പോളെക്കും കഥാനായകന്റെ മുഖത്ത് രക്ത ഓട്ടം ഇല്ലാതായി അകെ നിശബ്ദത .. പെണ്ണിന്റെ അച്ഛനും അമ്മയ്ക്കും ഉള്ളില്‍ ആശ്വാസത്തിന്റെ കുളിര്‍മഴ ഒരൊറ്റ ചോദ്യത്തിലൂടെ തന്നെ എല്ലാത്തിനും പരിഹാരമയല്ലോ ഒരു പൊട്ടിത്തെറി പ്രതീക്ഷിച്ചു നിന്ന അവര്‍ക്ക് മുന്നിലൂടെ അറിയാവുന്ന സകല തെറിയും ഉള്ളില്‍ വിളിച്ചു കൊണ്ട് ആത്മാര്‍ത്ഥ സുഹൃത്തുക്കളെ കൂട്ടി അവിടുന്ന് ഇറങ്ങിപ്പോരേണ്ടി വന്നു നമ്മുടെ കഥാനായകന് എന്ന് ഇനി പ്രത്യേകിച്ച് പറയേണ്ടതില്ലലോ..
കഥാനായകന് അന്ന് മലയാള തെറി സാഹിത്യത്തിനു പുതിയ കുറെ വാക്കുകള്‍ സംഭാവന ചെയ്തെന്നാണ് ആത്മാര്‍ത്ഥ സുഹൃത്തുക്കളില്‍ നിന്നും പിന്നീട് അറിയാന്‍ കഴിഞ്ഞത്.. ( അകെ ഒരാശ്വാസം മാനസമൈനേ പാടാന്‍ നൂറനാട് എങ്ങും കടാപ്പുറം ഇല്ലെന്നെത് മാത്രം)
..
.
.JPG)
